Aaminin ko kinikilig ako. Sa bawat banat mong linya, Mga biglaang patawa, Sa mga pagkakataong ako ang kausap mo hanggang sa mag'umaga. Aaminin ko kinikilig ako. Sa twing pinagmamasdan kita, Nasasaisip na sa dami ng babae'y ako pa, Ang napili mong paglaanan ng pawis at mga tula. Aaminin ko kinikilig ako. Twing nasisilayan ang pahapyaw mong mga ngiti Batid na suntok sa buwan ang mga ganitong pangyayari Dahilan na di likas sayo bumuka ang labi Aaminin ko kinikilig ako. Pagkakataong bihira Ang may sumungkit ng mga tala Ialay sa akin, ako'y ituring reyna sa sagala. Aaminin ko kinikilig ako Sa twing lumalabas tayo, Nang di batid nino Ang saya ng ikaw ay masolo. Aaminin ko kinikilig ako Sa mga larawan nating dalawa Na kahit panakaw, sa libo libo'y iisa Tanday ko sa gabi, sa laboy na lungkot ay syang panangga Aaminin ko kinikilig ako Sa tiwalang binibigay mo Binbin mong mga sikreto, o sa mga ginagawa mo Kahit wala pang opisyal na Oo Aaminin ko kinikilig ako Sa espiritung taglay mo Na kayang manipulahin ang pagkababae ko Madama ang pribelehiyong maligtas sa tore ng isang kabalyero Aamin ko kinikilig ako Sa mga pagkakataong ang mga umaga ay hindi na lamang basta pagsikat ng araw Kundi panahon nanaman ng pagsusulat ng konsepto kong sayo ang halaw Mga mensaheng hindi pumapalyang dumating anumang posisyon ni haring araw Aaminin ko kinikilig ako. Sa twing aking napagtatanto Na totoo nga ang lahat ng 'to Na hindi ito panaginip at parteng ilusyong meron ako. Pero hayaan mo akong malunod sa masasayang parte ng pagibig Sa saya ng musika taglay nito itutuon ang pintig Dahil ang chansang magkaroon ng tulad mo ay malayo sa hinagap kong maiisip Sa piling mo mahal, ay dama ko man ang langit ituturing paraiso datapwat mariit. Sa oras na bitawan mo ang tanong ni kupido Hindi sasabihing oo, hindi sasabihing ayoko Walang masisilayang pagpapakita ng motibo Hindi man tayo, pero aaminin kong kinikilig ako.
Advertisements
